ШАНОЎНЫЯ КАЛЕГІ!
ДНУ «Інстытут мовы і літаратуры імя Якуба Коласа і Янкі Купалы»
Запрашае Вас прыняць удзел у
МІЖНАРОДНАЙ НАВУКОВА-ПРАКТЫЧНАЙ КАНФЕРЭНЦЫІ
“ТВОРЧАЯ СПАДЧЫНА ЯНКІ КУПАЛЫ І ЯКУБА КОЛАСАЎ СІСТЭМЕ ДЗЯРЖАЎНА-КУЛЬТУРНЫХ І ДУХОЎНА-ЭСТЭТЫЧНЫХ ПРЫЯРЫТЭТАЎ ХХІ СТАГОДДЗЯ”
прысвечанай 130-годдзю з дня нараджэння
класікаў беларускай літаратуры
Канферэнцыя адбудзецца 25-26 верасня 2012 года
Плануецца абмеркаванне наступных праблемна-тэматычных кірункаў:
- Янка Купала, Якуб Колас і Беларускае нацыянальнае Адраджэнне;
- Творчасць Янкі Купалы і Якуба Коласа ў кантэксце свайго часу;
- Творчая спадчына Янкі Купалы і Якуба Коласа ў нацыянальным, еўрапейскім, сусветным кантэксце;
- Творчасць Янкі Купалы і Якуба Коласа ў культурным, гісторыка-літаратурным і лінгвістычным дыяпазоне: уплывы, традыцыі, рэцэпцыя, інтэртэкстуальнасць;
- Янка Купала, Якуб Колас і беларуская літаратура замежжа: гісторыка-культуралагічны аспект.
- Навуковая і грамадская дзейнасць Янкі Купалы і Якуба Коласа;
- Янка Купала і Якуб Колас у сучаснай інфармацыйнай прасторы (філасофскі, культуралагічны, гістарычны, сацыялагічны, псіхалагічны, педагагічны і дыдактычна-метадычны аспекты);
- Купалазнаўства і Коласазнаўства ХХІ ст.: вынікі і перспектывы;
- Янка Купала, Якуб Колас і актуальныя праблемы мовазнаўства;
- Пытанні захавання спадчыны класікаў нацыянальнай літаратуры;
- Дыялог нацыянальнай і сусветнай класікі і сучаснасці: праблемы пісьменніцкага майстэрства;
Заяўкі на ўдзел у канферэнцыі, у якіх павінны быць пазначаны прозвішча, імя, імя па бацьку аўтара поўнасцю, вучоная ступень, вучонае званне, месца працы, пасада, горад, краіна, службовы і хатні адрасы і тэлефоны, дасылайце, калі ласка, да 15 верасня 2012 года на адрас: 220072 г. Мінск, вул. Сурганава 1, корп. 2, пакой 715, аддзел беларускай літаратуры ХХ і ХХІ стст., або на адзін з электронных адрасоў:
inlinasbel@tut.by або addzel_XX-XXIst@tut.by.
Патрабаванні да афармлення матэрыялаў:
Аб’ём даклада – да 6 старонак, набраных у рэдактары Word for Windows, захаваных у фармаце RTF праз 1,5 інтэрвала шрыфтам Times New Roman 14. Першы радок справа – ініцыялы і прозвішча аўтара, горад. Наступны радок – назва матэрыялу (вялікімі літарамі). Праз радок друкуецца тэкст матэрыялу са стандартнымі адступленнямі. Спасылкі даюцца ў тэксце ў квадратных дужках. Першая лічба – нумар са спіса літаратуры, наступныя лічбы – старонкі. Напрыклад: [5, с. 65]. Спіс літаратуры (калі ён ёсць) даецца пасля асноўнага тэксту ў алфавітным парадку, аформлены ў адпаведнасці з патрабаваннямі ВАК.
Аргкамітэт пакідае за сабой права адбору матэрыялаў для публікацыі.
Праезд і пражыванне ў Мінску за кошт удзельнікаў канферэнцыі. (Пра неабходнасць браніравання гасцініцы просьба паведаміць)
Тэлефоны Аргкамітэта: 8-017-284-28-76; 8-017-284-18-85,
8-029-625-02-47 – Алена Алёйзаўна Манкевіч
ЗАЯЎКА НА ЎДЗЕЛ У КАНФЕРЭНЦЫІ
- Прозвішча, імя, імя па бацьку………………………………………………
- Месца працы, пасада………………………………………………………...
- Вучонае званне……………………………………………………………...
- Тэма даклада…………………………………………………………………
……………………………………………………………………………………
- Службовы адрас і тэлефон…………………………………………………
- Мабільны тэлефон………………………………………………………..
- E-mail…………………………………………………………………………
