2 красавіка 20026 г. прайшла першая частка навуковага семінара па фалькларыстыцы для маладых вучоных, арганізаванага сектарам этналінгвістыкі і фальклору і аддзелам фалькларыстыкі і культуры славянскіх народаў.
Навуковы семінар мае на мэце азнаямленне маладых даследчыкаў з асновамі фалькларыстыкі для далейшага правядзення міждысцыплінарных даследаванняў у межах мовазнаўства і фалькларыстыкі. Семінар запланавана праводзіць у некалькі этапаў, наступныя часткі будуць уключаць тэмы “Віды і жанры народнай прозы” , “Народны каляндар”, “Народная Біблія” і інш.
Тэмай першай часткі семінара былі “Асновы фалькларыстыкі. Тэрміналогія. Фальклор у шырокім і вузкім сэнсах”, а таксама “Фалькларыстыка ў яе сувязях з іншымі дысцыплінамі”.
Т. Аліферчык
