Інстытут мовазнаўства імя Якуба Коласа

Дыялекталагічная экспедыцыя ў Чавускі раён

З 17 па 21 чэрвеня супрацоўнікі аддзела дыялекталогіі і лінгвагеаграфіі Інстытута мовазнаўства імя Якуба Коласа НАН Беларусі Ірына Галуза, Юрый Маліцкі і Вадзім Шклярык знаходзіліся ў планавай дыялекталагічнай экспедыцыі, якая праходзіла ў Чавускім раёне Магілёўскай вобласці, на радзіме беларускага лексікографа І. І. Насовіча (1788–1877). Дзякуючы спрыянню намесніка старшыні Чавускага райвыканкама Т. М. Радзівілінай і актыўнаму ўдзелу загадчыка аддзела па адукацыі М. У. Варанцова і загадчыка сектара культуры Н. В. Кандраценка акадэмічныя даследчыкі на працягу некалькіх дзён былі забяспечаны транспартам і падтрымкай на месцах.

Над нёманскім берагам

20 чэрвеня ў г. Стоўбцы адбыўся Рэспубліканскі навукова-практычны семінар “Стаўбцоўшчына на гісторыка-культурнай карце Беларусі”, прымеркаваны да Года малой радзімы.

Семінар стаў чарговым крокам у праграме навукова-асветніцкіх мерапрыемстваў, што праводзяцца Інстутутам мовазнаўства імя Якуба Коласа разам з органамі мясцовага кіравання. Звычайна такія мерапрыемствы маюць інтэграваны характар, сумяшчаючы даследаванні па гісторыі, літаратуразнаўстве, культуралогіі пры вызначальнай ролі мовазнаўчай навукі. Гэта невыпадкова, таму што пераважная большасць крыніц па гісторыі і культуры рэгіёнаў – гэта пісьмовыя тэксты розных эпох і перыядаў, розных жанраў і разнавіднасцей.

ХІХ Міжнародная навуковая канферэнцыя Камісіі па славянскім словаўтварэнні пры Міжнародным камітэце славістаў “Славянская дэрыватаграфія: слоўнікі вытворных слоў і вытворныя словы ў слоўніках”

3–7 чэрвеня 2019 года ў Інстытуце мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі адбылася ХІХ Міжнародная навуковая канферэнцыя Камісіі па славянскім словаўтварэнні пры Міжнародным камітэце славістаў “Славянская дэрыватаграфія: слоўнікі вытворных слоў і вытворныя словы ў слоўніках”.

Дыялекталагічная экспедыцыя ў Сенненскі раён

З 27 па 31 мая супрацоўнікі аддзела дыялекталогіі і лінгвагеаграфіі, загадчык аддзела Вераніка Мікалаеўна Курцова і вядучы навуковы супрацоўнік Любоў Пятроўна Кунцэвіч, былі ў дыялекталагічнай экспедыцыі ў Сенненскім раёне.

Гэта экспедыцыя, як і тыя, што праводзіліся ў папярэднія гады, была мэтавай. Дыялектолагі працягваюць назапашваць запісы, якія пасля расшыфроўкі будуць уключаны ў новае перспектыўнае выданне “Хрэстаматыя па беларускай дыялекталогіі. Усходняя зона”. Адначасова гукавыя запісы папоўняць фанатэку традыцыйнага беларускага маўлення.

Так складваецца, што сёння перад кожнай новай экспедыцыяй у дыялектолагаў узнікае трывожнае пытанне, ці зможам дабрацца да вёскі, ці засталіся ў вёсках людзі стараэйшага пакалення, якія нарадзіліся перад вайною ці ў час вайны, бо найперш яны маюць багатыя ўспаміны і могуць расказаць пра розныя жыццёвыя падзеі.

Праграма Рэспубліканскага навукова-практычнага семінара ""СТАЎБЦОЎШЧЫНА НА ГІСТОРЫКА-КУЛЬТУРНАЙ КАРЦЕ БЕЛАРУСІ", 20 чэрвеня 2019 г.

stoubcy.pdf

«БЕЛАРУСКАЯ МОВА – ГАЛОЎНАЯ ГІСТОРЫКА-КУЛЬТУРНАЯ КАШТОЎНАСЦЬ НАЦЫІ І ДЗЯРЖАВЫ» (да 90-годдзя Інстытута мовазнаўства імя Якуба Коласа) 31 кастрычніка – 1 лістапада 2019 года

inf_list_kanhres_90.doc

Запрашаем!

Слово и словарь = Vocabulum et vocabularium

Слово и словарь = Vocabulum et vocabularium : сборник научных статей / Нац. акад. наук Беларуси, Центр исслед. белорус. культуры, языка и лит., Ин-т языкознания имени Якуба Коласа ; редкол.: И. JI. Копылов (гл. ред.) [и др.]. – Минск : Беларуская навука, 2019. – Вып. 16. – 339 с.

У зборнік уключаны матэрыялы, прысвечаныя праблемам тэорыі і практыкі лексікаграфіі, яе метадалагічным і лінгвістычным аспектам. Аналізуюцца пытанні тэрмінаграфіі, гістарычнай лексікаграфіі, даследуюцца асобныя віды слоўнікаў, новыя слоўнікавыя праекты, а таксама пытанні прымянення камп’ютарных і корпусных тэхналогій у лексікаграфіі.

Першы выпуск пад назвай “Vocabulum et vocabularium” быў выдадзены ў Харкаве ў 1994 г. У наступныя гады друкаваўся ў Харкаве, Гродне, Санкт-Пецярбурзе.

Выданне адрасавана навуковым работнікам, выкладчыкам, студэнтам, аспірантам і магістрантам філалагічных спецыяльнасцей, а таксама шырокаму колу чытачоў, якія цікавяцца праблемамі лінгвістыкі.