Дырэктар Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі І.Л. Капылоў, загадчык аддзела лексікалогіі і лексікаграфіі А.М. Лапцёнак, загадчык аддзела гісторыі беларускай мовы Н.В. Паляшчук 2 красавіка 2025 г. прынялі ўдзел у сустрэчы са студэнтамі і выкладчыкамі факультэта пачатковай адукацыі Беларускага дзяржаўнага педагагічнага ўніверсітэта імя Максіма Танка. Яе мэта – умацаванне супрацоўніцтва паміж установамі НАН Беларусі і Міністэрства адукацыі Рэспублікі Беларусь і прэзентацыя дасягненняў акадэмічных мовазнаўцаў. Мерапрыемства адбылося ў рамках Дэкады студэнцкай навукі, якое традыцыйна праходзіць вясной у Беларускім дзяржаўным педагагічным універсітэце імя Максіма Танка.

У рамках пагаднення аб супрацоўніцтве паміж Нацыянальнай акадэміяй навук Беларусі і Беларускай Праваслаўнай Царквой у выдавецтве «Мастацкая літаратура» выйшла ў свет навукова-папулярнае выданне «Митрополит Филарет (Вахромеев): к 90-летию со дня рождения», укладальнікам якога з'яўляецца вядучы навуковы супрацоўнік Інстытута мовазнаўства імя Якуба Коласа, доктар філалгічных навук, дацэнт Наталля Васільеўна Якавенка.

3 красавіка 2025 года ў Інстытуце мовазнаўства імя Якуба Коласа адбылася лекцыя прафесара Віктара Іванавіча Іўчанкава, прысвечаная генезісу, анталагічным асаблівасцям і сучаснаму стану беларускай стылістыкі. 

Дзякуй, што былі з намі!

Шукаеце магчымасць паглыбіць веды пра беларускую мову і адкрыць для сябе новыя даследчыя гарызонты?

Інстытут мовазнаўства імя Якуба Коласа запрашае вас на цыкл лекцый ад заснавальніка беларускай навуковай школы дыскурснага аналізу СМІ, доктара філалагічных навук, прафесара Віктара Іванавіча Іўчанкава. 

Першая лекцыя адбудзецца 3 красавіка (чацвер) ў 14:00 па адрасе: вул. Сурганава ½, аўд. 302.

Тэма лекцыі: Беларуская стылістыка: генезіс, анталагічныя асаблівасці і сучасны стан

28 сакавіка 2025 г.  дырэктар Інстытута мовазнаўства імя Якуба Коласа І. Л. Капылоў, загадчык аддзела лексікалогіі і лексікаграфіі А. М. Лапцёнак, загадчык аддзела гісторыі беларускай мовы Н. В. Паляшчук прынялі ўдзел у ІХ навукова-практычнай канферэнцыі “Філалагічная навука ў школе: сучасны стан і перспектывы развіцця”. Мерапрыемства прайшло на базе ДУА “Гімназія № 22 г. Мінска”, якая стала супрацоўнічае з Інстытутам мовазнаўства.

Загадчык адзела гісторыі беларускай мовы Н.В. Паляшчук прыняла ўдзел у круглым стале “Апошняя кніга Францыска Скарыны:  да 500-годдзя выдання «Апостала»”, які адбыўся ў Гродзенскім дзяржаўным універсітэце імя Янкі Купалы 26 сакавіка 2025 г.

21 сакавіка ў горадзе Драгічыне Брэсцкай вобласці ў рамках краязнаўчай канферэнцыі “Фёдар Данілавіч Клімчук – гонар роднага краю. Да 90-годдзя з дня нараджэння вучонага-лінгвіста” адбыўся круглы стол, прысвечаны ўшанаванню слыннага даследчыка, лаўрэата Дзяржаўнай прэміі Рэспублікі Беларусь Фёдара Данілавіча Клімчука.

18–19 сакавіка 2025 года ў Інстытуце мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі адбылася Рэспубліканская навуковая канферэнцыя “Беларускае гістарычнае мовазнаўства: стан і перспектывы развіцця” (да 90-годдзя з дня нараджэння члена-карэспандэнта НАН Беларусі Аляксандра Мікалаевіча Булыкі).

Булыка, А. М.  Гістарычна-этымалагічны слоўнік іншамоўнай лексікі ў старабеларускай мове / Нацыянальная акадэмія навук Беларусі, Цэнтр даследаванняў беларускай культуры, мовы і літаратуры Нацыянальнай акадэміі навук Беларусі, Інстытут мовазнаўства імя Якуба Коласа ; склад. А. М. Булыка. – Мінск : Беларуская навука, 2025. – 1078 с.

Гістарычна-этымалагічны слоўнік змяшчае лексіку, запазычаную старабеларускай літаратурна-пісьмовай мовай з іншых моў або ўжываную пад іншамоўным уплывам. На базе фактычнага матэрыялу і этымалагічных меркаванняў разгледжана семантычная структура і крыніца паходжання і пранікнення кожнай лексемы, вызначана яе словаўтваральная актыўнасць на беларускай глебе. Прыведзены час першай фіксацыі кожнай іншаземнай лексічнай адзінкі і яе тагачасныя мясцовыя адпаведнікі.